Obxectivos

A Escola de Negocios UNIEMPRENDE, que baseará a súa actuación nos principios de proximidade, profesionalidade, experiencia e compromiso, terá como obxectivos fundamentais os que seguen:

•  Estimular e fomenta-lo desenvolvemento das actitudes, habilidades e capacidades básicas para emprender.
•  Contribuir á difusión da cultura emprendedora e á percepción positiva do papel de axente socioeconómico xogado pola Universidade, emprendedores e empresarios.
•  Apoia-la creación de empresas xurdidas da actividade de investigación universitaria como instrumento básico para a xeración de emprego e a transferencia de tecnoloxía e coñecementos á sociedade.
•  Achega-la Universidade á Empresa e viceversa, promovendo ámbitos de encontro e o establecemento e mantemento de redes de contacto e cooperación.
•  Facilita-lo acceso á formación especializada e de calidade en materia de xestión empresarial que favoreza a adquisición de novas competencias e a reciclaxe profesional.
•  Prestar servizos de información xeral a través da web e servizos de información e orientación especializados.
•  Ofrecer apoio e asesoramento técnico especializado a través da propia E.N.U. e das súas entidades colaboradoras.
•  Colaborar con outras institucións e axentes sociais que compartan os nosos obxectivos e eidos de actuación.